CİHAZ XƏSTƏLƏRİN HƏYATINI XİLAS EDƏCƏKAlimlər infarktın erkən aşkarlanması üçün yeni çip hazırlayıb.ABŞ-ın Missisipi Universitetindən olan alimlər, ürək tutmalarını real vaxt rejimində yüksək dəqiqliklə müəyyən edən yeni çip yaradıb. Bu çip geyilə bilən cihazlara inteqrasiya edilə bilər və infarktı 92,41% dəqiqliklə aşkar etmək qabiliyyətinə malikdir. Yeni texnologiya real vaxtda ürəyin fəaliyyətini izləməsinə və təhlükəli vəziyyətlər zamanı dərhal xəbərdarlıq etməsinə imkan verir. Nəticədə, xəstələrin həyatını xilas edə biləcək qədər sürətli reaksiya imkanı yaradır.Tədqiqatçılar bildirirlər ki, süni intellektə əsaslanan bu texnologiya EKQ-nin monitorinqi sahəsində innovativ yanaşmadır. Geyilə bilən versiyanın hazırlanması üçün isə cihazın ölçüsünün kiçildilməsi, istifadəyə uyğun dizaynın yaradılması, proqram təminatının dəqiq tənzimlənməsi və ABŞ Qida və Dərman İdarəsi (FDA) kimi qurumlardan sertifikatlaşdırma mərhələlərindən keçmək tələb olunur.Bu yenilik, gələcəkdə ürək-damar xəstəliklərinin daha təhlükəsiz və effektiv şəkildə nəzarətdə saxlanmasına böyük töhfə verə bilər.