BEYİN SİQNALLARI SƏSƏ ÇEVRİLƏCƏK
Nevroloqlar insan beyninin siqnallarını nitqə çevirən texnologiyanın hazırlanması üzərində intensiv iş aparır. Bu texnologiya danışmaq qabiliyyətini itirmiş insanlara yenidən ünsiyyət qurmaq imkanı verə bilər.
Kaliforniya universitetlərinin alimləri və Precision Neuroscience kimi qabaqcıl texnoloji şirkətlər beyin implantları və süni intellektdən istifadə edərək “düşüncələri danışığa çevirən” sistemlər yaradır. Layihənin əsas məqsədi insult, amiotrofik lateral skleroz (ALS) və digər xəstəliklər nəticəsində nitq qabiliyyətini itirmiş insanlara ünsiyyət imkanı qazandırmaqdır.
Tədqiqatçılar artıq ciddi irəliləyişə nail olub: beyin siqnallarını təxminən 1 saniyəlik gecikmə ilə nitqə çevirə bilən texnologiya hazırlanıb. Bu, təbii danışıq sürətinə çox yaxındır — sistem orta hesabla dəqiqədə 47,5 söz “danışa” bilir. Hazırda 31 pasiyent üzərində klinik sınaqlar aparılır.