Kişilərdə bu problem aradan qalxmazsa...- həkimdən XƏBƏRDARLIQ

Hər bir kişi müəyyən yaşda nəslin davam etdirilməsi, dünyaya varisin gətirilməsi haqqında düşünür. Əksər hallarda nigahın ilk aylarında hamiləlik baş verir. Bir çox hallarda isə valideyn olmaq həvəsi illərlə gənclərin ürəyində qalır. Bunun səbəbi isə kişilərdə tez tez rast gəlinən varikosel problemidir. Buna el arasında damar genişlənməsi də deyilir.

Bu barədə uroloq-androloq Emin Məmmədov Medicalmedia.az-a açıqlama verib. Həkimin sözlərinə görə, sonsuzluqla müraciət edən 100 nəfərdən 30 da varikosel problem var.

Əgər kişilərdə sonsuzluq varikosellə əlaqədardırsa, yaranan problemin əməliyyatla aradan qaldırılması mümkündür. Problem varikosel olmadıqda mikro test əməliyyatı vasdəsi ilə kişi öz sperminən süni mayalanma şansı qazanır.

Həkim-uroloqun sözlərinə görə, cinsi zəifliyin səbəbi əsasən gənc yaşlarda keçirilmiş stress, yuxusuzluq, spirtli içkilər, siqaret, cinsi yolla keçən xəstəliklər ola bilər. Məhz bu xəstəliklər bir müddət sonra kişilərdə həm cinsi zəifliyə, həm də sonsuzluğa gətirib çıxarır.

Əlbəttə, insan bütün xəstəliklərdən sığortalana bilməz, lakin bir çox xəstəliklərin təhlükəsini aradan qaldırmaq və ya azaltmaq mümkündür. Kişi sonsuzluğunun profilaktikası ilk növbədə, kişinin öz sağlamlığına qayğı göstərməsini, risk amillərdən uzaq olmasını, mütəmadi olaraq həkimə baş çəkməsini nəzərdə tutur.

Zeynəb Müzəffərli