250 mindən çox insanın həyatı təhlükədə

Yaponiyanın qərb və mərkəzi hissəsində yaşayan əhaliyə “Mavar” tayfununun yaxınlaşması səbəbi ilə xəbərdarlıq edilib.

Ölkənin rəsmiləri fırtınanın dənizdən 100 mildən çox dərinlikdə fırlandığı üçün təxminən 40,000 nəfərin təxliyə edilməsini əmr edib. Bu evakuasiyaların təxminən üçdə ikisi mərkəzi Naqoya yaxınlığındakı Toyohaşi şəhərində olub. Hökumətinin aidiyyəti qurumları Ayti, Vakayama, Qifu, Osaka, Siqa, Sidzuoka və Tokusima prefekturalarının bir sıra rayonlarının sakinlərinə qasırğa ilə əlaqədar təlimat göndəriblər.

Bildirilir ki, yuxarıda adları qeyd olunan ərazilərdə torpaq sürüşməsi və çayların məcrasından çıxıb ciddi fəsadlar törətmək riski var.
Qasırğa təhlükəsi 250 min adamın həyatına birbaşa təhlükə törədə bilər.

Ölkə mediasının yaydığı məlumata görə, Okinavanın cənub prefekturasında ən azı doqquz nəfər qasırğa nəticəsində xəsarət alaraq xəstəxanaya yerləşdirilibBundan əlavə ölkə daxilində bir gündə 160-dan çox daxili reys ləğv edilib.

Qeyd olunur ki, “Mavar” bu il Sakit okeanda meydana gələn ikinci tayfundur. Qasırğa Yaponiyanın Sakit okean sahilləri boyunca şərqə doğru irəliləməyə davam edir.

Zeynəb Müzəffərli