GENİŞ FƏALİYYƏT SPEKTRİNƏ MALİKDİR
Tədqiqatçılar torpaq nümunəsində mikroblara qarşı mübarizə aparmağa kömək edə biləcək yeni molekul aşkar ediblər. Onlar dərmana davamlı bakteriyaları müalicə edə biləcək yeni antibiotik sinfi kəşf etdiklərini bildiriblər. Lariosidin adlı yeni molekul bakteriya hüceyrəsinin ribosom adlanan bir hissəsini hədəf alaraq işləyir və hüceyrənin funksiyalarını poza bilər.
Kanadadakı McMaster Universitetinin professoru və tədqiqatın müvafiq müəlliflərindən biri Gerry Wright, “Bu, yeni molekul tibb sahəsi üçün böyük bir sıçrayışdır” deyib. Tədqiqatın nəticələri “Nature” jurnalında dərc edilib.
Madriddə yerləşən Ramón y Cajalın mikrobiologiya şöbəsinin müdiri Rafael Cantón “Bizim köhnə dərmanlarımız getdikcə təsirini itirir, çünki bakteriyalar onlara qarşı daha davamlı olmağı öyrənib. Lariocidin həm qram-müsbət, həm də qram-mənfi bakteriyalara, antimikroblara qarşı təsirli olduğu üçün geniş fəaliyyət spektrinə malikdir”, deyə bildirib.